O'zbekiston elchixonasi tomonidan o'tkazilayotgan yirik ko'rgazma Kuvayt OAV nigohida
O'zbekiston elchixonasi tomonidan o'tkazilayotgan yirik ko'rgazma Kuvayt OAV nigohida
AL-KUVAYT, 14-may. /"Dunyo" AA/. Kuvaytning ingliz tilida bosiladigan "Times Kuwait" gazetasida "O'zbekiston elchixonasi Kuvaytda investitsiya va sayyohlik ko'rgazmasini o'tkazadi" sarlavhali maqola chop etildi, deb xabar qilmoqda "Dunyo" AA muxbiri.
Ma’lum qilinganidek, tadbir Al-Kuvayt shahridagi "Symphony Style Hotel Kuwait" mehmonxonasida 13-14-may kunlari bo'lib o'tayapti.
Ko'rgazmada oziq-ovqat va ichimliklar, to'qimachilik sanoati, farmatsevtika kompaniyalari, qurilish materiallari sektori hamda ko'ngilochar va media tashkilotlari o'z mahsulotlarini namoyish etadi.
"Bundan tashqari, elektrotexnika sanoati kompaniyalari, mebel ishlab chiqaruvchilar, shuningdek, parfyumeriya, bolalar o'yinchoqlari, banklar, moliyaviy tashkilotlar, turizm, ko'chmas mulk va neft-kimyo sohalaridagi jismoniy shaxslar va korxonalar vakillari Kuvayt tomoni bilan hamkorlik o'rnatish uchun muzokaralarda ishtirok etadi" – deb yozgan "Times Kuwait".
