Ostonada O'zbekiston Prezidentini rasmiy kutib olish marosimi bo'lib o'tdi

Ostonada O'zbekiston Prezidentini rasmiy kutib olish marosimi bo'lib o'tdi

TOSHKENT, 8-avgust. /"Dunyo" AA/. Bugun Ostonadagi Oqo'rda qarorgohida O'zbekiston Prezidenti Shavkat Mirziyoyevni rasmiy kutib olish marosimi bo'lib o'tdi, deb xabar qilmoqda "Dunyo" AA muxbiri.

Davlatimiz rahbari matbuot xizmati ma'lumotiga ko'ra, Oliy martabali mehmon sharafiga faxriy qorovul saf tortdi. O'zbekiston va Qozog'iston davlat madhiyalari yangradi. Ikki mamlakat yetakchilari faxriy qorovul safi oldidan o'tdilar. Birgalikda suratga tushildi.

Ayni paytda davlat rahbarlarining tor doiradagi muzokaralari bo'lib o'tmoqda. Tomonlar O'zbekiston bilan Qozog'iston o'rtasidagi strategik sheriklik va ittifoqchilik munosabatlarini yana-da rivojlantirish va chuqurlashtirishning dolzarb masalalarini muhokama qilmoqda.