O'zbekiston tashqi ishlar vaziri tashrif bilan Kuvaytga bordi

O'zbekiston tashqi ishlar vaziri tashrif bilan Kuvaytga bordi

TOSHKENT, 13-avgust. /"Dunyo" AA/. Tashrif bilan Al-Kuvaytga borgan O'zbekiston tashqi ishlar vaziri Baxtiyor Saidov Kuvayt tashqi ishlar vaziri Abdulla Ali al-Yahyo bilan uchrashdi, deb xabar qilmoqda "Dunyo" AA muxbiri.

"Kuvayt tashqi ishlar vaziri Abdulla Ali al-Yahyo janoblari bilan uchrashganimizdan mamnunmiz, – deb yozdi O'zbekiston TIV rahbari o'zining telegram kanalida. – Delegatsiyamiz samimiy qabul qilingani uchun minnatdorlik bildiramiz. Kun tartibimiz keng ko'lamli bo'lib, qator sohalarda O'zbekiston-Kuvayt ikki tomonlama hamkorligini kengaytirishga qaratilgan uchrashuvlarni o'z ichiga oladi".

TIV matbuot kotibining ma'lum qilishicha, tashrif davomida qator ikki tomonlama muzokaralar, yetakchi tadbirkorlar bilan uchrashuvlar va O'zbekiston-Kuvayt biznes-forumida ishtirok etish rejalashtirilgan.