O'zbekiston Prezidentining Qoraqalpog'istonga amalga oshirgan tashrifi Kuvayt OAV diqqat markazida

O'zbekiston Prezidentining Qoraqalpog'istonga amalga oshirgan tashrifi Kuvayt OAV diqqat markazida

AL-KUVAYT, 21-avgust. /"Dunyo" AA/. Kuvaytning yetakchi "Al-Jarida" gazetasi saytida va "Twitter"dagi sahifasida "O'zbekiston Prezidenti Qoraqalpog'istonga tashrif buyurdi" sarlavhali maqola e'lon qilindi, deb xabar qilmoqda "Dunyo" AA muxbiri.

Nashrda O'zbekiston Prezidenti Shavkat Mirziyoyev 19-avgust kuni mamlakatning shimoli-g'arbida joylashgan Qoraqalpog'istonga tashrif buyurgani ma'lum qilingan.

"Tashrif doirasida sanoat korxonalari, axborot texnologiyalari va ijtimoiy soha obyektlari ko'zdan kechirildi. Hududlardagi mahalliy aholining kundalik hayoti bilan tanishildi", – deyiladi materialda.

Maqola yakunida "Tashrif chog'ida yangi obyektlar ochildi, istiqboldagi loyihalarga start berildi. Shuningdek, Prezident Shavkat Mirziyoyev Nukus shahrida tadbirkorlar bilan uchrashdi", – deb ta'kidlangan.