O'zbekiston Respublikasining Kuvayt Davlatidagi elchixonasi

Qarshining "Nasaf" futbol klubi Osiyo chempionlar ligasi-2 musobaqasining guruh bosqich o'yinini o'tkazish uchun Al-Kuvaytga yetib bordi

AL-KUVAYT, 17-sentabr. /"Dunyo" AA/. Qarshining "Nasaf" futbol klubi Osiyo chempionlar ligasi-2 (OCHL-2) musobaqasining guruh bosqich birinchi tur o'yinini o'tkazish uchun Al-Kuvaytga yetib bordi, deb xabar qilmoqda "Dunyo" AA muxbiri.

"Nasaf" futbol klubi delegatsiyasi Al-Kuvayt xalqaro aeroportida O'zbekiston elchixonasi diplomatlari tomonidan kutib olindi.

18-sentabr Toshkent vaqti bilan 21:00 da "Nasaf" jamoasi Kuvaytning "Kuvayt SK" klubi bilan kuch sinashadi.

"Nasaf" futbol klubi mutasaddilari bilan bo'lgan suhbatda yigitlarning ko'tarinki kayfiyatda ekanligi hamda ushbu o'yin ahamiyatini inobatga olgan holda faqat g'alaba uchun maydonga tushishlarini bildirdilar.