O'zbekiston va BAA o'rtasida Strategik sheriklik o'rnatish to'g'risidagi deklaratsiya imzolandi

O'zbekiston va BAA o'rtasida Strategik sheriklik o'rnatish to'g'risidagi deklaratsiya imzolandi

TOSHKENT, 15-yanvar. /"Dunyo"AA/. Bugun Abu-Dabi shahridagi "Qasr ash-Shati" qarorgohida O'zbekiston-BAA oliy darajadagi muzokaralari yakunida Strategik sheriklik o'rnatish to'g'risidagi deklaratsiya imzolandi, deb xabar bermoqda "Dunyo" AA muxbiri.

Davlatimiz rahbari matbuot xizmati ma'lumotiga ko'ra, quyidagi hujjatlar imzolandi:

- Strategik sheriklik o'rnatish to'g'risida deklaratsiya;

- Investitsiyalarni o'zaro rag'batlantirish va himoya qilish to'g'risida hukumatlararo bitim;

- Moliyaviy-texnik hamkorlik to'g'risida hukumatlararo bitim;

- Standartlashtirish, metrologiya va muvofiqlikni baholash sohasidagi hamkorlik to'g'risida bitim;

- investitsiyalar, sanoat va ilg'or texnologiyalar, adliya, qishloq xo'jaligi va oziq-ovqat xavfsizligi, foydali qazilmalar sohalarida hamkorlik qilish to'g'risida idoralararo bitimlar;

- Madaniyat sohasidagi hamkorlik to'g'risida bayonnoma, Diplomatik akademiyalar o'rtasidagi hamkorlik to'g'risida bitim va boshqalar.