Kuvaytdan munosabat: Osiyo xotin-qizlari forumi – ayollar uchun tajriba almashish va xalqaro aloqalarini mustahkamlash imkoniyatini yaratadi
Kuvaytdan munosabat: Osiyo xotin-qizlari forumi – ayollar uchun tajriba almashish va xalqaro aloqalarini mustahkamlash imkoniyatini yaratadi
TOSHKENT, 12-may. /"Dunyo" AA/. Kuvayt Xotin-qizlar jamiyati raisi o'rinbosari, xotin-qizlar jamiyatlari uyushmasi Boshqaruv kengashi a'zosi Hiyla Hammad al-Makaimi joriy yil 13-14-may kunlari Samarqand shahrida bo'lib o'tadigan Osiyo xotin-qizlari forumi haqidagi fikrlarini bildirdi, deb xabar qilmoqda "Dunyo" AA muxbiri.
- Prezident Shavkat Mirziyoyev BMTning 78-sessiyasida Osiyo xotin-qizlar forumini O'zbekistonda o'tkazish tashabbusi bilan chiqqan edi, – dedi Hiyla Hammad al-Makaimi. – Ushbu forumning asosiy maqsadi ayollarning imkoniyatlarini iqtisodiy darajada kengaytirish, shuningdek, seminarlar yoki ta'lim va treninglar orqali uning imkoniyatlarini oshirishdir.
Ushbu forumda tajriba almashishdan boshlab, gender tengligi, ayollar va bolalarga nisbatan kamsitishning barcha shakllariga barham berish kabi ayollar huquqlarini kengaytirishga bag'ishlangan ayrim sessiyalar mavjud.
Quvayt Xotin-qizlar uyushmasi uchun ushbu konferensiyada ishtirok etish juda muhim. Mazkur ittifoqning asosiy maqsadi va asosiy yo'nalishi Quvayt ayollari va ularning ishlari va yutuqlarini xalqaro miqyosda namoyish etishdir.
Bu turdagi xalqaro faoliyatga e'tibor qaratish ayollar uchun tajriba almashish va xalqaro tarmog'ini kuchaytirish bo'yicha muhim vosita va muhim imkoniyat bo'ladi.
