Ўзбекистон Республикасининг туризм салоҳияти ва хавфсиз туристик йўналиш сифатидаги имижини тарғиб қилиш бўйича асосий ахборот материаллари
1. Ўзбекистон — дунёнинг энг хавфсиз мамлакатларидан бири
Ўзбекистон халқаро рейтингларда хавфсиз давлат сифатида юқори баҳоланмоқда. Хусусан, Numbeo томонидан эълон қилинган Safety Perception Index 2023 рейтингига кўра, мамлакат дунёнинг 121 давлати орасида 1-ўринни эгаллаб, энг хавфсиз мамлакатлардан бири сифатида эътироф этилган.
Манбалар:
2. Туристлар хавфсизлигини таъминлашнинг самарали тизими
Ўзбекистонда туристлар учун хавфсиз ва қулай муҳитни таъминлаш мақсадида Туристик полиция ҳамда Туризм хавфсизлигини таъминлаш бўлинмалари фаолият юритмоқда. Ушбу хизматлар туристларга тезкор ёрдам кўрсатиш, уларнинг ҳуқуқларини ҳимоя қилиш ва хавфсиз саёҳат муҳитини таъминлашга хизмат қилади.
Манбалар:
3. ЮНЕСКО Бутунжаҳон мероси объектлари
Ўзбекистон ҳудудида ЮНЕСКОнинг Бутунжаҳон мероси рўйхатига киритилган Самарқанд, Бухоро, Хива (Ичан-қалъа) ва Шаҳрисабз каби тарихий шаҳарлар жойлашган бўлиб, улар мамлакатнинг бой маданий меросини намоён этади.
Манбалар:
4. Буюк Ипак йўли марказида жойлашган мамлакат
Ўзбекистон қадимий Буюк Ипак йўлининг марказида жойлашган бўлиб, асрлар давомида Шарқ ва Ғарб цивилизациялари ўртасидаги муҳим маданий, савдо ва дипломатик алоқалар маркази вазифасини бажарган.
Манба:
5. Замонавий транспорт ва туризм инфратузилмаси
Сўнгги йилларда мамлакатда меҳмонхоналар, халқаро аэропортлар, юқори тезликдаги темир йўллар ва автомобиль йўллари жадал ривожлантирилди. Туристик марказлар ўртасида замонавий логистика ва транспорт тизими шакллантирилди.
Манбалар:
6. Виза тартибининг либераллаштирилиши
Хорижий фуқаролар учун визасиз ва соддалаштирилган кириш тартиблари босқичма-босқич жорий этилмоқда. Бу эса Ўзбекистонга ташриф буюриш имкониятларини кенгайтириб, мамлакатнинг туристик жозибадорлигини янада оширмоқда.
Манбалар:
7. Туризм соҳасидаги кенг кўламли ислоҳотлар
Сўнгги йилларда мамлакатда туризмни иқтисодиётнинг стратегик тармоғи сифатида ривожлантиришга қаратилган кенг қамровли ислоҳотлар амалга оширилди. Туризм хизматлари сифатини ошириш, хорижий туристлар оқимини кўпайтириш, инвестицияларни жалб қилиш ҳамда халқаро стандартларга мос инфратузилмани ривожлантириш бўйича қатор норматив-ҳуқуқий ҳужжатлар қабул қилинди.
Манбалар:
8. Туризм йўналишларининг хилма-хиллиги
Ўзбекистон зиёрат, маданий, гастрономик, экологик, тоғ, саргузашт ва бошқа туризм йўналишларини жадал ривожлантирмоқда. Мамлакатнинг бой табиий ва маданий салоҳияти маҳаллий ҳамда хорижий сайёҳлар учун турли хил дам олиш ва саёҳат имкониятларини тақдим этади.
Манбалар:
- Ўзбекистон Республикаси Ҳукумат портали:
https://gov.uz/en/pages/tourism
- Uzbekistan.travel миллий туризм портали:
https://uzbekistan.travel
